Амелин + “Пегас” = “Самурық”

ҚР Кубогы үшін «Самұрық-2016» қысқы ралли-спринттің 3 кезеңіндегі «Стандарт» класы «Пегас» командысына бағынды. Топ жаруға Андрей Амелин септесті: жарыс нәтижесі бойынша ол толық жетекті машиналар класында бірінші орынға ие болды.

6 наурыз, жексенбі күні, Талдыкөл мұзындағы автошабондоздар жарысы жалғасты. «Самұрық-2016» қысқы ралли-спринті бойынша Қазақстан Республикасы Кубогының 3 кезеңі өтті. Жарыстың алғашқы екі күнінде трассаға «стандарт» және «джуниор» кластарында 36 экипаж шықты. Олар Астана, Қарағанды, Теміртау, Павлодар, Көкшетау және Ақкөл қалаларынан келген.

Жарыс тартысты болды. Әсіресе, жуырда классикалық ралли бойынша ҚР Чемпионатының 1 кезеңіне қатысып, супер бұдырлы 4.5 см дөңгелекпен жарысқандар үшін қиынға соқты. Сондайлардың бірі пилот Андрей Амелин мен штурман Дархан Елубаевтың экипажы. Кешегі жарыстан автошабандоздар шаршады, оның үстіне машина айтарлықтай жөндеуді қажет етті. Соған қарамастан, Артем Вотчалдың басқаруындағы «Art Tuning» ТҚЕС-ның механиктері Алексей Амелин, Константин Исаков және темір ұсталар Денис Никифоров, Максим Лебедев, Александр Коваль бір түн ішінде мүмкін емес нәрсені іске асырды. Олар қираған «Эволюшнды» қайта қалпына келтіріп, жарысқа дайындап шығарды.

А.Амелин:

– Бүгін жарыс кешегідей емес, ешбір қиындықсыз, нақты өтті. Машина қанатын жайған қарлығаш секілді ұшты, бір де бір ақау болмады, бүгін жақсы жүрді. Басқару оңай болды көңілім толды, техқолдау командасына алғыс білдіремін, бүгін сыну болған жоқ.

Амелин/Елубаев жарыс кезінде көлікке аяушылық танытып жүргенімен «стандарт» және абсолют кластарында еш айппұлсыз жеңімпаз болды!