АСА ҚИЫНДЫҚПЕН КЕЛГЕН ЖЕҢІС

Наурыз айының алғашқы демалыс күнінде Астанадағы Талдыкөл өзенінде KZRC классикалық раллиден ҚР чемпионатының бірінші кезеңі өтті. Андрей Амелин мен оның штурманы Дархан Елубаев үшін кезең жеңіспен аяқталды. Алайда, ол оңайға соққан жоқ…

Сырт көзге бұл мұздағы әдеттегідей жаттығу болып көрінуі мүмкін. Ерекшелісі сол – 4.5 см супер бұдырлы дөңгелекпен. Алматыдан келген қатысушылар үшін мұз үстіндегі жарыс алғашқы болды. Талдыкөл мұзына үйреншікті «солтүстіктің жігіттері» ғана, яғни № 8 экипаж. Құрамында Андрей Амелин мен Дархан Елубаев.

Жарыс басталар бір күн бұрын жаттығу кезінде көліктің беріліс қорабы істен шықты. Механиктер шынайы гонка режимінде жұмыс істеуге мәжбүр болды. Машина уақытында дайын болып, жарыс жолына жөндеу боксынан жеткізілді.

Андрей Амелин:

– Механиктерімізге көп рахмет, көлікті уақытында жөндеп берді, беріліс қорабы Қарағанды қаласынан жетікізілді. Бірінші секциядан кейін ұққанымыз, өте тез жүруге болмайды. Өйткені, трек үстінде су бар, ол қозғалтқышқа кіреді. Қазір екінші сессияға толық дайындықпен шығу үшін барлық тексеру жүргіліп жатыр. Қарсыластар мықты. Алматыдан келген екі экипаждың жолдан шығып қалғаны өкінішті. Біреуі, есептен шығып қалды. Тағы біреуі, көлігін қатты соғып алды. Қазір басты қарсылас – Петр Бородин. Жарыс жақсы өтті, қызық болды, – дейді.

Расымен де жарыс жақсы қарқынмен басталды. Амелин-Елубаев экипажы жарыс жолына 8 рет шығып, тұрақты түрде бірінші болды. Қарсыластары да осал емес. 9 кезеңде экипажда қиындықтар басталды. Машинаның артқы бампері жұлынып кетті. Оны автошабандоздар байқамай да қалды. Өйткені, жарыс басынан жарылған бампер жолда үгітіле басады. Ол аздай трасса бойында руль жұлынып қалды. Механиктер «руль колонкасының бұрандасы босап кеткен» деді. Машина оталмай қалды, жылдамдық ауыспайды, автошабандоздарға «сырғанағанды жақсы көрсең, шанаңды сөре» принципі бойынша амалдауға тура келді. Фиништен стартқа қарай Амелин Елубаевпен бірге машинаны итеріп келді, итергеннің өзінде оталмайды ма деп сескенді. Сол себепті, 9, 10, 11 кезеңдерде – үшінші, төртінші, үшінші орындарды қанағат тұтты.

Экипаж соңғы, 12 кезең барысында біріншілікті қайтара алды. Жарыс аяқталған сол көлік мүлдем өшіп қалды. «Эволюшн» жабық паркіне әрең дегенде жеткізілді.

Жол бойында кездескен қиындықтарға қарамастан, жарыстың регламентін тексерген төрешілер жеңіске Андрей Амелин мен Дархан Елубаевты лайық деп тапты. Осылай, KZRC чемпионатының бірінші кезеңіндегі «РК-Про» классындағы толық жетек және абсолют бойынша жеңімпаз атанды!

Бір қызығы, KZRC-дің толық жетекті және абсолют бойынша «сыйға жеткендер» тізімі бірдей болып шықты! Бірінші орында – Андрей Амелин/Дархан Елубаев (Астана), екінші орында – Пётр Бородин/Роман Чепрасов(Алматы), үшінші орында – Андрей Малов/Азамат Ыбраев (Алматы)

Тағы бір бірінші орынды командалық есеп бойынша «EVOPRINT.KZ» атауымен біріккен №8 Андрей Амелин/Дархан Елубаев және № 15 Дәулет Оразалиев/Станислав Подолянюк экипаждары алды.

Амелиннің «Эволюшны» механиктердің арқасында бүгін таңертең стандартты резинада өтетін «Самұрық» ралли-спринтінің соңғы кезеңіне қатысу үшін жарыс жолына шығарылды. Жарыстың басқа түріне автокөліктің қалай дайындалғандығын және автошабандоздардың көңіл-күйлерін кейін белетін боламыз.